THÉODORE AUBANEL

Aviñón-Francia 1829 - 1886

PROVENCAL

Alor, n'avès garda memòri,

D'aquéu jour que long dóu camin,

Fasias davans un ouratòri

Vosto preièro dóu matin ;

Preièro douço, tèndro, antico!

Iéu, peraqui d'asard vengu

En etendèn lou bèu cantico,

M'ère arresta tout esmóugu.

E vòstis Ouro aqui finido

M'avance, e vous dise, crentous :

Vosto paraulo es benesido!

Iéu vole prega coume vous.

E vous tant gènto, e vous rèn fièro,

Madamisello quatecant

M'avès douna vosto preièro

Coume l'aucèu douno soun cant. 

Théodire Aubanel, La Miougrano entre-duberto, 1860